Ommaviy oferta va foydalanish shartlari

Oxirgi tahrir: 04.11.2026

«Javob bor» (ilgarigi nomi — Xizmatchi; javobbor.uz) dan foydalanib, siz quyidagi shartlarga rozilik bildirasiz.

Xizmat

Platforma malaka imtihonlariga tayyorlanish uchun mashq testlari, kazuslar va o'quv materiallarini beradi. Bu rasmiy imtihon emas: natijalar faqat o'z-o'zini tekshirish uchun va hech qanday rasmiy hujjat o'rnini bosmaydi.
Savollar amaldagi qonunchilik va rasmiy manbalar asosida tayyorlanadi, lekin xato bo'lishi mumkin. Huquqiy yoki tibbiy qaror uchun rasmiy manbalarga tayaning; materiallar yuridik yoki tibbiy maslahat emas.

Bitta hisobdan bir kishi foydalanadi. Hisobingiz orqali qilingan harakatlar uchun o'zingiz javobgarsiz.

Savollar, izohlar, kazuslar va sayt dizayni «Javob bor»ga tegishli. Ularni shaxsiy tayyorgarlik uchun ishlatishingiz mumkin.
Ruxsatsiz nusxalash, avtomatik dasturlar bilan yig'ish, boshqa sayt, ilova, kanal yoki kitobda tarqatish va sotish taqiqlanadi. Sahifalarda ko'rinadigan belgi hisobni aniqlashga yordam beradi; buzilish aniqlansa, hisob bloklanadi va qonuniy choralar ko'rilishi mumkin.

Sinov davrida barcha testlar bepul. Pulli obuna yoqilgach, quyidagi shartlar amal qiladi va bu sahifa shu shartlar bo'yicha ommaviy oferta hisoblanadi.
Obuna bitta yo'nalishga beriladi (masalan, «Notarius» yoki «Pedagog kadrlarni attestatsiyadan o'tkazish»). Narx — 30 kun uchun 10 000 so'm; amaldagi narx va muddat to'lovdan oldin «Obuna olish» oynasida ko'rsatiladi va to'langan davr uchun o'zgarmaydi.
To'lov Payme yoki Click orqali, ularning o'z sahifasida amalga oshiriladi; karta ma'lumotlari «Javob bor»ga berilmaydi. To'lov tasdiqlangach, obuna darhol yoqiladi; amaldagi obuna bo'lsa, muddati uzayadi.
Pulni qaytarish: to'lovdan keyin 3 kun ichida shu yo'nalishda birorta test boshlanmagan bo'lsa, yoki pul ikki marta echilgan yoki obuna texnik sabab bilan yoqilmagan bo'lsa, pul to'liq qaytariladi. Buning uchun quyidagi manzilga to'lov sanasi va hisob pochtasini yozing; pul 10 ish kuni ichida o'sha karta yoki hisobga qaytariladi.

Platforma «bor holicha» taqdim etiladi. Imtihon natijasi yoki materialdagi xato oqibatlari uchun «Javob bor» javobgar emas.
Shartlar o'zgarishi mumkin; yangi tahriri shu sahifada sanasi bilan e'lon qilinadi. Nizolar O'zbekiston Respublikasi qonunchiligiga muvofiq hal qilinadi.